Yaponiya və Rusiyanın xarici işlər və müdafiə nazirləri «iki üstəgəl iki» formatında görüşə başlayıblar. Tərəflər regional təhlükəsizlik və kiçik adalarla bağlı uzun müddətdir davam edən mübahisənin müzakirə olunacağını bildiriblər.
Martın 20-də Tokioda keçirilən birgünlük görüş 2013-cü ilin noyabrından bəri ilk belə toplantıdır. Sonrakı görüşlər Ukrayna böhranı ucbatından ertələnmişdi. Belə ki, Yaponiya da Krımın qanunsuz anneksiyasına görə Moskvaya qarşı sanksiyalara qoşulmuşdu.