Bu ilin yanvarında Azərbaycan bankları 121.52 milyon dollar satıblar.
Bu barədə Azərbaycan Mərkəzi Bankının (AMB) hesabatında qeyd olunur.
Hesabata görə, əvvəlki aylarla nisbətdə dollar satışı 11.7 faiz, 2016-cı ilin yanvar ilə müqayisədə isə 3.2 dəfə azalıb.
2017-ci ilin yanvarında banklar 58.24 milyon dollar alıblar. Bu göstərici də 2016-cı ilin dekabrından 2 dəfə, ötən ilin yanvarından isə 3.8 dəfə azdır.