Ermənistan prezidenti Serzh Sarkisian martın 7-də Fransaya rəsmi səfərə gedib.
Bu barədə AzadlıqRadiosunun Ermənistan xidməti Sarkisianın mətbuat xidmətinə istinadla xəbər yayıb.
O,səfər zamanı Fransa prezidenti Francois Hollande, parlamentin hər iki palatasının sədrləri və Paris meriylə görüşəcək.
Görüşlərin sonunda ikitərəfli münasibətlərin dərinləşdirilməsi istiqamətində bir sıra saənədlər imzalanacağı gözlənilir.
Sarkisianın həmçinin Fransanın işgüzar dairələri, Avropadakı Erməni icmalarının nümayəndələri, habelə Lion meri ilə görüşü nəzərdə tutulur.