Ötən il Ermənistandan Avropa Məhkəməsinə şikayətlərin ümumi sayı 60 faizə qalxıb.
Bu barədə Azadlıq Radiosunun Ermənistan xidməti məlumat yayıb.
Mənbə yazır ki, Avropa Məhkəməsi mövcud olduğu 1959-cu ildən 2016-cı ildək Ermənistana qarşı 75 qərar çıxarıb ki, bunların 68-i insan haqlarının pozulması ilə bağlıdır.
Avropa Şurasının məlumatına görə, 2015-ci illə müqaisədə 2016-cı ildə bu ölkədən məhkəməyə daxil olan şikayətlərin sayı 23 faiz artıb.
Artıma səbəb kimi həbsxanada saxlama şəraiti ilə bağlı sistematik problemlər göstərilir.