Liviya sahilində 74 miqrantın cəsədi aşkar edilib.
1 nəfərin xilas edildiyi, koma vəziyyətində xəstəxanaya götürüldüyü bildirilir.
Qəza Tripolinin şimal sahilində baş verib.
Qırmızı Xaç Komitəsi-nin məlumatına görə, dalğa cəsədlərdən bəzilərini sahilə çıxarıb, qalanları isə dənizdə, sahilin yaxınlığındadır.
Yerli hakimiyyət bütün cəsədləri çıxarmaq imkanında olmadığını bildirir.
Məlumatlara görə, göyərtəsində 100-ə yaxın adamın olduğu qayıq ötən bazar günü batıb.
Qırmızı Xaç Komitəsi-nin məlumatına görə, təkcə 2017-ci ildə Aralıq dənizində Avropaya keçmək istəyən 365 nəfərdən çox miqrant batıb.