ABŞ Gürcüstanda döyüş təlimi mərkəzi tikəcək.
Bu barədə Gürcüstanın Müdafiə Nazirliyi öz saytında xəbər verir.
Bu barədə razılıq Gürcüstan ordusu rəhbərliyinin ABŞ ordusu komandanlığınn Avropadakı 7-ci təlim mərkəzinə səfəri zamanı əldə edilib.
Görüşlərdə ABŞ-ın Avropadakı silahlı qüvvələrinin komandiri, general-leytenant Ben Hoces də iştirak edib.
Bundan başqa tərəflər müdafiə sahəsində əməkdaşlıq barədə 3 illik müqavilə imzalayıblar.
Bundan əvvəl ABŞ senatoru Con Makkeyn Tbilisiyə səfəri zamanı bildirmişdi ki, onun ölkəsi Gürcüstana dəstək verməkdə davam edəcək və Rusiyaya qarşı yeni sanksiyaları qoymağa çalışacaq.