Bundan sonra, gömrük sisteminin büdcədənkənar inkişaf fonduna daxil olan vəsaitin 60 faizi Dövlət Gömrük Komitəsinin rütbəli əməkdaşlarının və mülki işçilərinin maaşlarına əlavənin verilməsində istifadə ediləcək.
Prezident İlham Əliyev yanvarın 24-də “Dövlət Gömrük Komitəsi əməkdaşlarının sosial müdafiəsinin gücləndirilməsi, gömrük işi sahəsində prosedurların sadələşdirilməsi və şəffaflığın artırılması ilə əlaqədar bəzi tədbirlər haqqında” 2011-ci il 25 fevral tarixli fərmanına dəyişiklik edib.
Buna da bax: Maaşlar 10% artıb, ərzaq isə 100% bahalaşıb
İndiyədək büdcədənkənar inkişaf fonduna daxil olan vəsaitin 50 faizi maaş əlavələrinə yönəldilirdi.
Dəyişiklik 2017-ci il fevralın 1-dən qüvvəyə minəcək.
Bu günlər vergi işçilərinin də maaş əlavəsi oxşar şəkildə artırılmışdı.
Buna da bax: Azərbaycan minimum əməkhaqqında regionun ən gerisindədir
İstər gömrük, istərsə də vergi orqanlarında büdcədənkənar inkişaf fondlarının olmasını ekspertlər tənqidlə qarşılayıblar. Onlar bunu həmin sistemdə korrupsiya və şəffaflığın olmaması kimi izah ediblər.