Azərbaycanın xarici işlər naziri Elmar Məmmədyarov yanvarın 24-də Rusiya paytaxtı Moskvaya işgüzar səfər edib.
Bu barədə Xarici İşlər Nazirliyinin (XİN) mətbuat katibi Hikmət Hacıyev APA-ya məlumat verib. Onun deməsinə görə, səfərin tarixi Rusiya tərəfi ilə əvvəlcədən razılaşdırılıb.
Bu səfər çərçivəsində E.Məmmədyarov Rusiya xarici işlər naziri Sergei Lavrov-la görüşəcək. Görüşdə Dağlıq Qarabağ münaqişənin həlli məsələlərinin müzakirə olunacağı gözlənir.
Bundan əvvəl, yanvarın 19-uErmənistan xarici işlər naziri Eduard Nalbandian Moskvada səfərdə olub. O da Rusiya xarici işlər naziri S.Lavrov-la görüşüb.