Müdafiə nazirinin birinci müavini, Silahlı Qüvvələrin Baş Qərargah rəisi Nəcməddin Sadıkov Brüsselə səfər edib.
Müdafiə Nazirliyinin mətbuat xidməti xəbər verir ki, Brüsseldə NATO-nun Hərbi Komitəsinin "Qətiyyətli dəstək " və "Uyarlılıq platforması" formatlarında görüşləri keçirilir.
N.Sadıkov həmin görüşlərə qatılacaq.
Buna da bax: 'Azərbaycanın tarixi silahları' kitabı təqdim olunub
Tədbir yanvarın 17-də NATO-nun mənzil-qərargahında Baş Qərargah rəisləri səviyyəsində keçiriləcək.
Xatırlatma
Azərbaycan 1994-cü ildən NATO ilə əməkdaşlığa başlayıb.
Əməkdaşlığın əsas tərkib hissəsini hərbi əməkdaşlıq, hərbi modernizasiya, təhlükəsizlik məsələləri üzrə siyasi məsləhətləşmələr və sülhməramlı əməliyyatlar təşkil edir.
Buna da bax: Azərbaycan 14 ildə 1044 hərbçisini itirib
2002-ci ildə NATO-nun Praqa sammitində tərəfdaş ölkələrlə əməkdaşlığı genişləndirmək məqsədilə Fərdi Tərəfdaşlıq üzrə Əməliyyat Planı (FTƏP) qəbul edilib. 2005-ci ilin oktyabrında prezident İlham Əliyev Azərbaycanın NATO ilə Fərdi Tərəfdaşlıq Əməliyyat Planını təsdiq edib.