Tanınmış pop ulduzu George Michael-ın ürəktutmadan öldüyü elan olunub.
53 yaşlı ulduz dünən-dekabrın 25-də Britaniyadakı evində vəfat edib. Polis onun ölümünün «izahedilməz» olduğunu demiş, eyni zamanda şübhəli olmadığını bildirmişdi.
Meneceri Michael Lippman bu gün «The Associated Press» agentliyinə müsahibəsində müğənninin ürəktutmadan öldüyünü təsdiqləyib.
Dünya şöhrətli ulduz, 100 milyona yaxın albomun satışına imza atmış George Michael-ın ölümü sosial mediada böyük həyəcanla qarşılanıb.
Elton John «Instagram» səhifəsində dərin şokda olduğunu, yaxın dostunu, çox gözəl insanı itirdiyini yazıb.