Dekabrın 16-si Bakı və Abşeron yarımadasında havanın əsasən yağmursuz keçəcəyi bildirilir. Lakin gecə bəzi yerlərdə qar yağacağı ehtimal edilir.
Ekologiya və Təbii Sərvətlər Nazirliyi Milli Hidrometeorologiya Departamentinin xəbərinə görə, yarımadada gecə 1-4 dərəcə şaxta, gündüz 1-4 dərəcə isti, Bakıda gecə 1-3 dərəcə şaxta, gündüz 1-3 dərəcə isti olacaq.
Azərbaycanın bəzi rayonlarına da qar yağacağı bildirilir. Gecə 2-7 dərəcə şaxta, gündüz 0-5 dərəcə isti, dağlarda gecə 9-14, gündüz 0-5 dərəcə şaxta təxmin edilir. Yolların buz bağlayacağı bildirilir.