BMT prokurorları Ratko Mladic-ə ömürlük həbs cəzası verilməsini istəyiblər.
Bosniya müharibəsi zamanı--1992-1995-ci illərdə Bosniyadakı serb ordusunun komandanı olmuş R.Mladic müharibə cinayətlərində, soyqırımında, insanlığa qarşı cinayətlərdə günahlandırılır.
Dekabrın 7-də Haaqa məhkəməsinin dinləmələrində ittihamçılardan Alan Tieger deyib ki, R.Mladic-ə ömürlük həbsdən yüngül cəza vermək onun qurbanlarını, ədaləti təhqir etmək deməkdir: «R.Mladic-in məsuliyyət daşıdığı cinayətlərin insanlığa verdiyi əzab ölçüyə gələsi deyil».
74 yaşlı R.Mladic-ə qarşı 11 ittiham irəli sürülüb. O, Srebrenitsada 8 min müsəlman kişi və oğlanın öldürülməsində, Sarayevoda 10 min adamın güllələnməsində günahlandırılır.
R.Mladic haqda hökmün gələ il çıxarılacağı gözlənir.