Suriya fəalları ordunun Hələb şəhərini tamamilə ələ keçirdiyini elan edib.
Britaniyada yerləşən «Suriyanı müşahidə şurası» gecə son qiyamçıların şəhərdən çıxarıldığını, nəzarətin hökumət qüvvələrinə keçdiyini xəbər verib.
Dünən—dekabrın 6-da Rusiyanın xarici işlər naziri Sergei Lavrov şəhərdən çıxmaq istəməyən qiyamçıların məhv ediləcəyini söyləmişdi. Dekabrın 7-də isə Rusiyanın Müdafiə Nazirliyi hərbi müşavir, polkovnik Ruslan Galitsky-nin Hələbdə həlak olması xəbərini yayıb.
Suriyanın ən böyük şəhərlərindən olan Hələbin çökməsi Assad rejiminin qələbəsi deməkdir. Bu, 2011-ci ildən bəri davam edən vətəndaş müharibəsində Suriya hökumət qüvvələrinin ən böyük uğuru sayıla bilər.