Dekabrın 6-sı Bakı və Abşeron yarımadasında yağış yağacağı gözlənilir.
Yarımadanın bəzi yerlərində yağıntının sulu qara, qara keçəcəyi ehtimal edilir.
Ekologiya və Təbii Sərvətlər Nazirliyinin Milli Hidrometeorologiya Departamentinin xəbərinə görə, yarımadada gecə 0-3, gündüz 3-5, Bakıda gecə 1-3, gündüz 3-5 dərəcə isti olacaq.
Dekabrın 6-da Azərbaycanın rayonlarına da qar yağacağı bildirilir. Gecə 0-3, gündüz 3-8 dərəcə isti, dağlarda gecə 4-9 dərəcə şaxta, gündüz 3 dərəcə şaxtadan 2 dərəcəyə kimi isti təxmin edilir.
Dekabrın 6-da ölkə ərazisində bəzi yolların buz bağlama ehtimalı var.