Azərbaycan Mərkəzi Bankının noyabrın 30-a rəsmi valyuta ehtiyatlarının məbləği 4 milyard 11 milyon dollar təşkil edib.
Bankın rəsmi valyuta ehtiyatları ilə bağlı bilgisində belə deyilir.
Oktyabr ayının 31-ə olan rəsmi bilgilərlə müqayisədə Mərkəzi Bankın vəsaitləri cüzi artıb. Oktyabrın 31-də Mərkəzi Bankın ehtiyatları 4 milyard 5,5 milyon olub.
Bir ayda cüzi artım qeydə alınıb – 5.5 milyon dollar.
Ondan əvvəlki ayda isə Mərkəzi Bankın valyuta ehtiyatları 127 milyon dollar azalmışdı.
2008-ci ilə qayıdış...
Mərkəzi Bankın hazırkı valyuta ehtiyatlarının həcmi 2008-ci ilin fevral ayının göstəriciləri ilə üst-üstə düşür. Həmin vaxt Mərkəzi Bankın 4 milyard 13 milyon ehtiyatı vardı.
Mərkəzi Bank ən böyük ehtiyatlara 2014-cü ilin iyulunda sahib olub. O zaman bankın ehtiyatında 15 milyard 193 milyondan artıq ABŞ dolları vardı.
Azərbaycan Dövlət Neft Fondunun ehtiyatlarının isə 36 milyard dollara yaxın olduğu açıqlanıb.