Keçmiş Odessa qubernatoru Mikheil Saakashvili yeni yaratdığı partiya üçün pul yığır.
Bunun üçün xüsusi sayt yaradılıb və arzu edənlər vəsaiti ora köçürə bilərlər.
Noyabrın 7-də Odessa vilayətinin qubernatorluğundan istefa verən Mikheil Saakashvili “Yeni qüvvələr hərəkatı” adlı siyasi partiya yaratdığını elan edib.
O bildirib ki, məqsədi ölkədə korrupsiyaya qarşı mübarizə aparmaq və Ukraynanı güclü dövlətə çevirməkdir.
Saakashvili indiki Ukrayna rəhbərliyini korrupsiyada, prezident Petro Poroshenkonu cinayətkar klanların başında durmaqda günahlandırır.
Qeyd edək ki, Mikheil Saakashvili həm də keçmiş Gürcüstan prezidentidir.