Belarus prezidenti Alyaksandr Lukashenka noyabrın 28-də Azərbaycana gəlib.
AZƏRTAC xəbər verir ki, hər iki ölkənin dövlət bayraqlarının dalğalandığı Bakı Beynəlxalq Aeroportunda qonağın şərəfinə fəxri qarovul dəstəsi düzülüb.
A.Lukashenka-nı hava limanında Azərbaycan baş nazirinin birinci müavini Yaqub Eyyubov, xarici işlər nazirinin müavini Xələf Xələfov və digər rəsmi şəxslər qarşılayıblar.
İki gün davam edəcək səfərdə A.Lukashenka-nın Azərbaycan prezidenti İlham Əliyev və digər rəsmilərlə görüşü gözlənilir.
Prezidentlərin həm təkbətək, həm də geniş tərkibdə görüşü nəzərdə tutulub.