«Mərkəzi Dəmiryolu Stansiyası hazırda təmirdədir və dekabrın 24-də yeni mərkəzi stansiya qapılarını sərnişinlərə açacaq».
«Azərbaycan Dəmir Yolları» (ADY) QSC-nin sədri Cavid Qurbanov bunu noyabrın 24-də Amerika Ticarət Palatasında (AmCham) görüş zamanı bildirib.
Görüşdə ABŞ, İsveçrə, Fransa və Meksikanın Azərbaycandakı səfirləri də iştirak edib.
C.Qurbanov bildirib ki, ADY Bakı-Pirşağı-Sumqayıt istiqamətində 29.2 km uzunluğunda dairəvi dəmiryolun tikintisinə başlayacaq.
ADY rəhbəri deyib ki, noyabrın sonundan Naxçıvan-Məşhəd marşrutu üzrə sərnişin qatarları istismara veriləcək. Sözügedən marşrut Azərbaycanla İran arasında turizm əlaqələrinin davamlı inkişafına dəstək olacaq.