«Azərbaycan prezidenti ölkədə nəqliyyat infrastrukturunun inkişafına xüsusi diqqət ayırır».
APA-nın xəbərinə görə, bunu baş nazirin müavini Abid Şərifov noyabrın 25-i Bakıda keçirilən «Strateji tərəfdaşlıq 1520: Dünyanın dörd tərəfini birləşdirən Qafqaz regionu» biznes forumunda çıxışında bildirib.
«Son illər nəqliyyat infrastrukturuna 25 milyard dollar investisiya yatırılıb. Görülən işlər nəticəsində Gürcüstanla Azərbaycan arasında olan dəmiryol rekonstruksiya olunub», - deyə A.Şərifov vurğulayıb.
A.Şərifov İran-Azərbaycan arasında tikilən Astara-Rəşt və Bakı-Tbilisi-Qars dəmir yollarının tikintisindən də danışıb. O qeyd edib ki, həyata keçirilən layihələr nəticəsində Azərbaycan böyük bir haba-qovşağa çevrilib.