Gələn həftənin əvvəlində ABŞ dövlət katibinin Avropa və Avrasiya məsələləri üzrə köməkçisinin müavini Bridget Brink-in Azərbaycana səfəri gözlənilir.
Bu barədə «Turan» agentliyinə ABŞ-ın Azərbaycandakı səfirliyindən bildiriblər.
B.Brink-in ölkə rəhbərliyi ilə görüşləri olmalıdır. Görüşlər zamanı ikitərəfli əməkdaşlıq, təhlükəsizlik məsələləri müzakirə edilməlidir.
Bu səfər çərçivəsində Dağlıq Qarabağ münaqişəsinin nizamlanması məsələlərinin müzakirə ediləcəyi də bildirilir.