Azərbaycan teatrının “ƏSA”sı ilk tamaşasını təqdim edir.
Ölkədə bir ilkə imza atan əlilliyi olan aktyorlardan ibarət ƏSA Teatrının ilk tamaşasının premyerasının keçiriləcəyi gün bəlli oldu.
Beləliklə, 3 sentyabr 2016-cı il tarixində təsis edilən ƏSA Teatrı, 20 noyabr 19:00-da ilk tamaşası olan “DUMB Mərhələsinin Əsası” tamaşasını təqdim edəcək.
Buna da bax: Azərbaycanda bir ilk. Əlilliyi olan aktyorlar teatr yaradıb
"ƏSA" teatrından Oxu Zalına verilən məlumata görə “DUMB Mərhələsinin Əsası” psixo-dram janrında qurulub və bir insan həyatının müxtəlif mərhələlərindən bəhs edir. Belə ki, bütün həyatını aldığı travmadan qurtulmağa həsr edən və yalnış istiqamətlənən, atdığı hər addımda vəziyyətini daha da çətinləşdirən qəhrəmanımız bütün günahları ətrafında baş verən hadisələrdə və şəxslərdə görür. Lakin o bütün bunlarla da kifayətlənmir və ...
Tamaşada Fərid Kazakov, Orxan Adıgözəl, Murad Məmmədov, Elvin Mirzəyev və Nihad Qulamzadə oynayacaq.