Noyabrın 9-da Bostondan Los-Ancelesə qədər bir neçə şəhərdə minlərlə adam küçələrə çıxıb. Ən sakit aksiyalarda amerikalılar yolları kəsib, Trump əleyhinə şüarlarla çıxış ediblər. Xüsusilə Trump-ın miqrantlar, eləcə də müsəlmanların qarşısını almaq vədlərinə qarşı etirazlar səslənib.
Nyu-Yorkun mərkəzində--Manhetten rayonunda da minlərlə adam Trump Qülləsinə, Trump-ın evinə doğru axışıb. Manhetten parkına toplananlar «Trump mənim prezidentim deyil!» şüarını səsləndiriblər.
Çikaqonun mərkəzində isə sakinlər «Trump-a yox! İrqçiyə yox!» deyiblər.
Clinton-un daha çox səs topladığı şəhərlərdə etirazçılar xüsusilə fəal olub. Amma Trump-a səs verən Riçmond, Virciniya, Omaha, Nebraska və Kanzasda da D.Trump-a qarşı aksiyalar olub.