2016-cı ilin yanvar-sentyabr aylarında Azərbaycanın xarici ticarətinin həcmi 12 milyard 742 milyon ABŞ dolları olub. Dövlət Gömrük Komitəsinin bildirməsinə görə, bu, keçən ilin eyni dövrünə nisbətən 22.64 faiz azdır. İdxalın həcmi 6 milyard 201 milyon ABŞ dollarına (5.89 faiz azalma), ixrac isə 6 milyard 541 milyon ABŞ dollarına (33.81 faiz azalma) bərabər olub.
Əsas malların ixracında azalma faizləri (statistik dəyər) belədir:
Xam neft – 31.04 %
Neft məhsulları – 54%
Təbii qaz – 44.54%
Elektrik enerjisi – 8.17%
Çay – 64.57%
Bitki və heyvan mənşəli piy və yağlar – 90.17%
Şəkər – 70.12%
Spirtli və spirtsiz içkilər – 31.92%
Kimya sənayesi məhsulları – 36.11%
Plastmas və onlardan hazırlanan məmulatlar – 13.91%
İxracatı artan mal və məhsullar:
Əsas ixrac mallarından qara metal və ondan hazırlanan məmulatlar – 184.24%
Pambıq iplik – 45.02%
Alüminium və ondan hazırlanan məmulatlar – 14.94%
Meyvə-tərəvəz – 33.31%.
İdxalı artan əsas məhsullar:
Ət – 88.20%
Süd – 34.87%
Kərə yağı və süddən hazırlanmış digər yağlar – 139.15%
Meyvə-tərəvəz – 113.27%
Çay – 174.20%
Bitki və heyvan mənşəli piy və yağlar – 57.52%
Şəkər – 46.55%.
Buğda idxalının azalması diqqət çəkir. Ötən ilin eyni dövrü ilə müqayisədə buğda idxalı 7.29% azalıb.
Bundan başqa, əczaçılıq məhsulları idxalı 29.2% düşüb. Ötən illə müqayisədə xaricdən daha az qara metal və ondan hazırlanan məmulatlar (24.3% az), tütün və tütün məmulatları (47.79% az), nəqliyyat vasitələri və onların hissələri (43.76% az) gətirilib. Bütün bunlara, təbii ki, manatın dəyərsizləşməsi də təsir göstərib.