İranın Xəzər donanmasının iki hərbi gəmisinin Bakıya gələcəyi bildirilir.
«Report» bu xəbəri İranın Azərbaycandakı səfirliyinə istinadən yayıb.
Xəbərdə qeyd edilir ki, «Dəməvənd» və «Coşan» raket gəmisi Bakıya oktyabrın 18-də çatacaq.
Səfər zamanı gəmilərin heyəti Azərbaycan paytaxtı ilə tanış olmalı və bir sıra görüşlər keçirməlidirlər. Görüşlərdə Xəzər dənizində təhlükəsizlik məsələlərinin müzakirəsi gözlənilir.
Gəmilər Bakıda 3 gün qalmalıdırlar.
Oktyabrın 18-də Azərbaycanda müstəqilliyin bərpasının 25 ili tamam olur.