Ermənistan futbol millisinin baş məşqçisi Varujan Sukiasyan istefa verib.
Bu barədə oktyabrın 14-də Ermənistan Futbol Federasiyasının mətbuat xidməti məlumat yayıb.
Sukiasyan bu vəzifəyə 2015-ci ilin dekabrında təyin edilmişdi.
Komanda onun rəhbərliyi altında 2018-ci il dünya çempionatının seçmə mərhələsi çərçivəsində keçirdiyi 3 görüşün hamısında məğlub olub.
Danimarkaya 1:0, Rumınyaya 5:0, Polşaya isə 2:1 hesabı ilə uduzan Ermənistan millisi hazırda qrupda sonuncu yerdədir.
Ermənistan Danimarka, Polşa, Rumınya, Monteneqro və Qazaxıstanla bir qrupda mübarizə aparır.