Oktyabrın 10-da İstanbulda Azərbaycan dövlət başçısı İlham Əliyevin Venesuela prezidenti Nicolas Maduro ilə görüşü olub.
Prezidentin mətbuat xidmətinin yaydığı xəbərdə görüşün detalları ilə bağlı, hələlik, bilgi verilmir.
Oktyabrın 9-da isə İstanbulda Azərbaycan dövlət başçısı İlham Əliyev Türkiyə prezidenti Recep Tayyip Erdoğan-la görüşmüşdü.
Bu görüş zamanı iki ölkə arasında əməkdaşlıq məsələləri müzakirə edilmişdi.
Prezident İlham Əliyev oktyabrın 9-da Türkiyəyə gedib. O, Türkiyədə keçirilən XXIII dünya enerji konqresində iştirak edəcək.
Bu gün, oktyabrın 10-da İstanbulda dünya enerji sammiti açılır. 50 ölkə başçısı, 54 baş nazirin, ümumilikdə 266 dövlət rəsmisinin qatıldığı sammitdə bir sıra iri enerji layihələri müzakirə olunacaq.