Miqrant axınının qarşısını almaq üçün Macarıstan sərhədlərini hasarlayandan sonra oktyabrın 2-də referenduma da gedəcək.
Referenduma çıxarılan sual belə olacaq:«Parlamentin səsverməsi olmadan Avropa Birliyinin Macarıstan vətəndaşı olmayan şəxslərin Macarıstanda yaşayışına qərar verməsini istəyirsinizmi?».
Macarıstanda aparılan araşdırmalara görə, əhalinin sentyabr ayından bu yana miqrantlara baxışı dəyişib.
Macarların 44 faizi miqrant probleminin insani yollarla həllinin tərəfdarıdır. Qalanlar isə miqrantlara kömək etməyə borclu olmadığı düşüncəsindədir.
Keçən il isə əhalinin 67 faizi miqrantlara yardım edilməsinin vacib olduğunu bildirmişdi.