Rusiyanın Suriyadakı hava hücumları ağır vəziyyəti daha da qarmaqarışıq hala gətirib.
Bunu ABŞ Dövlət Departamentinin sözçüsü Mark Toner deyib.
Bundan əvvəl Vaşinqton Hələbin bombardmanı dayandırılanadək Moskva ilə danışıqları kəsəcəyini bildirmişdi.
Rusiyanın xarici işlər naziri Sergei Lavrov isə Amerikanı «Əl-Nusra» qruplaşmasını himayə etməkdə günahlandırıb. Lavrov BBC-yə müsahibəsində deyib ki, ABŞ-ın lap əvvəldən «Əl-Nusra»nı hakimiyyət dəyişikliyini nəzərdə tutan ikinci mərhələ üçün qoruyub saxlamaq fikri olub.
Mark Toner Lavrov-un bu iddiasını «cəfəng» adlandırıb.