Azərbaycanın Silahlı Qüvvələri yerli istehsal olan pilotsuz uçuş aparatları ilə təmin ediləcək.
Sentyabrın 27-də müdafiə naziri Zakir Həsənov və müdafiə sənayesi naziri Yavər Camalov bununla bağlı anlaşma memorandumu imzalayıblar.
Sənədə əsasən, Müdafiə Sənayesi Nazirliyinin müəssisələrində istehsal olunan yüzlərlə kamikadze tipli “Zərbə” və kəşfiyyat-müşahidə xarakterli pilotsuz uçuş aparatları yaxın vaxtlarda Silahlı Qüvvələrin istismarına veriləcək.
Memorandumun başqa detalları açıqlanmır.