1300-dən çox ABŞ hökumət və hərbçiləri ilə bağlı məlumatları özünü «İslam Dövləti» adlandıran yaraqlılara ötürməkdə təqsirli bilinən kosovolu haker ömrünün 20 ilini həbsxanada keçirəcək.
ABŞ-ın Ədliyyə Departamenti bildirib ki, Ardit Ferizi 2015-ci ildə Malayziyada həbs olunmuş və Amerikaya ekstradisiya edilmişdi.
Ədliyyə Departamenti bildirib ki, onlar ilk dəfədir ki, ölkənin milli kiber-təhlükəsizliyinəreal və ciddi təhlükə görüblər.
Məhkəmə sənədlərinə görə, «Th3Dir3ctorY» kimi tanınan A.Ferizi ABŞ-ın dövlət kompüterlərinə girərək 1300-dən çox hərbçi və dövlət məmurunun şəxsi məlumatlarını oğurlayıb.
Onun bu siyahını britaniyalı haker, İŞİD-lə əlaqədə olduğu bildirilən Junaid Hussain-ə verdiyi məhkəmə sənədlərində öz əksini tapıb.
Hussain ötən ilin avqustunda Twitter hesabında yazırdı: «Bizdə sizin e-poçtlarınız, kompüter sisteminiz var, hər şeyi görə və qeyd edə bilirik. Bizdə sizin adlarınız və ünvanlarınız var».