«İrqçilər, əcnəbilərin düşmənləri, islamofoblar... Daha ağlınıza nə gəlirsə...».
Bunu Demokratlar Partiyasından ABŞ prezidentliyinə namizəd Hillary Clinton Respublikaçılar Partiyasının namizədi Donald Trump-ı müdafiə edənlərə xitabən söyləyib.
Trump-ın seçki qərargahı bildirib ki, Clinton-un bu sözləri milyonlarla amerikalıya həqarətdir. Trump-ın sözçüsü Jason Miller isə bildirib ki, Hillary Clinton-un maskası düşüb: «Onun amerikalılar haqda nə düşündüyü ortaya çıxdı».
Clinton-un seçki qərargahı isə bildirib ki, namizədləri bu ifadələri ifrat sağçıların ünvanına işlədib.
ABŞ-da prezident seçkiləri noyabr ayında keçiriləcək.