Leyla Əliyeva fillərin müdafiəsi üçün əsərlərini satışa çıxarıb- [Video]

Leyla Aliyeva

-

Heydər Əliyev Fondunun vitse-prezidenti Leyla Əliyevanın yeni fotoları və videosu yayılıb.

Videoda L.Əliyeva yaradıcılığından, rəsmlərindən bəhs edir ("Qafqazinfo", Axşam.az).

Oğlu Əli ilə kamera qarşısına keçən L.Əliyeva rəsmlərini sevgi ilə yaratdığını bildirib:

“Öz qəlbinin səsini dinləmək lazımdır. Rəsmlərimdə hər zaman simvollar olub. Məktəb vaxtlarımdan şəkil çəkirəm. Hər bir insan yaradıcıdır. Yaradıcılıq təkcə musiqi bəstələmək, rəsm çəkmək və şeir yazmaq deyil. Hansısa işi ürəyindən gəldiyi üçün edən insan yaradıcıdır.

Buna da bax: Paşayevlərin gəlirli Retro biznesi

Mənə həyat sevgisi ilham verir. Rəsm çəkmək üçün məkanın heç bir mənası yoxdur. Rəsm çəkmək enerjimi alır. Şeir yazanda mən dincəlirəm, rəsm çəkəndə isə yoruluram.

Rəsmlərimi satmağa heyfim gəlirdi. Onlar mənim emosiyalarım, həyatımdır. Amma onların satışından əldə olunan gəlir fillərin, şirlərin və kərgədanların qorunmasına sərf ediləcək. Ona görə sevinirəm, bölüşmək gözəldir".

Qeyd edək ki, L.Əliyevanın Əli və Mikayıl adlı əkiz övladları var. O, bir müddət əvvəl Əminə adlı qız uşağını da övladlığa götürüb.

Buna da bax: “Panama Papers”: Prezident övladlarının London mülkləri