-
Rusiya ilk dəfə olaraq, İrandakı hərbi təyyarələrdən istifadə edərək Suriyaya hava zərbələri endirib. Bu barədə Rusiya mediası məlumat yayıb.
Rusiya Müdafiə Nazirliyinin məlumatına görə, avqustun 16-da hava zərbələrini Tu-22M3 uzaq mənzilli bombardmançı və Su-34 təyyarələri endirib. Onlar İrandakı Hamadan bazasından havaya qalxıblar.
Nazirlik bildirir ki, zərbələr uğurlu olub, İslam Dövləti (İŞİD) qruplaşmasının Suriyanın şimalındakı 3 vilayətdəki obyektləri vurulub. Həmin obyektlər sırasında silah depoları və təlim düşərgələri var.