Keçmiş respublikaçı prezident George W.Bush-un administrasiyasının keçmiş üzvü Clinton-la Trump-ın prezidentlik yarışında Demokratlar Partiyasının namizədini dəstəkləyəcəyini elan edib.
«The Washington Post»la «ABC News»un birgə rəy sorğusunun nəticələrinə görə, Hillary Clinton respublikaçı rəqibindən 8 xal öndədir. Sorğu seçicilərin hər iki namizədi riyakar saydığını da üzə çıxarıb.
«ŞƏXSƏN MƏN…»
Sabiq prezident George W.Bush-un keçmiş köməkçisi Lezlee Westine seçkilərdə Hillary Clinton-un namizədliyini dəstəkləyəcəyini söyləyib.
Bush administrasiyası zamanında Ağ Evin ictimai əlaqələr şöbəsində çalışan və prezident köməkçisinin müavini olan Westine Clinton-u dəstəkləyəcəyini ictimailəşdirən respublikaçılardan biridir:
«Dövlətimizin üzləşdiyi sınaqlar qətiyyətli və təcrübəli rəhbərlik istəyir. Ona görə də bu gün şəxsən mən Hillary Clinton-u dəstəkləyirəm.Onun iqtisadiyyatı inkişaf etdirmək, iş yerləri açmaq və Amerikanı daxildə və xaricdə qorumaq təcrübəsi var. O, Amerika dəyərlərinə sadiqdir».
Westine Trump-ı nədən dəstəkləmədiyini açıqlamayıb.
Westine-dan daha öncə də biznes və siyasət sahəsində çalışan bir çox respublikaçı Clinton-u dəstəklədiyini elan etmişdi.
Buna da bax - Trump: Obama bəlkə də ən pis ABŞ prezidentidir
Sizin brauzer HTML5-i dəstəkləmir
Trump: Obama bəlkə də ən pis ABŞ prezidentidir
«TRUMP-IN XASİYYƏT VƏ DAVRANIŞI…»
Ötən bazar günü Reagan administrasiyası dönəminin siyasi direktoru Frank Lavin CNN-ə respublikaçı namizəd Donald Trump-ı dəstəkləməyəcəyini, Clinton-a səs verəcəyini bildirib:
«Trump-ın xasiyyət və davranışıprezident çalışmağa yetərli deyil. Bu qüsur onun prezident kimi uğursuz olacağını göstərir».
İstər respublikaçı, istərsə demokrat administrasiyalarında CIA-nin (ABŞ Mərkəzi Kəşfiyyat İdarəsinin – red.) direktoru çalışmış Michael Morell isə Clinton-u dəstəklərkən, Trump-ı tənqid atəşinə tutmağı da unutmayıb.
Clinton-a dəstək verənlər arasında Nyu Cersi ştatının qubernatoru, özü Trump-ı dəstəkləyən Chris Christie-nin keçmiş sözçüsü Maria Comella və Jeb Bush-un keçmiş məsləhətçisi Sally Bradshaw da var.