“İslam Dövləti” qrupu İraqda 3 minədək qaçqını girov götürüb.
BMT-nin avqustun 5-də yaydığı hesabatda belə deyilir.
Söhbət İraqın şimalında yerləşən Kərkük əyalətindəki al Hawija rayonunun sakinlərindən gedir.
Onlar yaraqlıların əlinə avqustun 4-də keçiblər.
Məlumatlara görə yaraqlılar 10-dan çox girovu edam ediblər.
Müharibəyədək bu rayonda 400 minədək əhali yaşayıb.
Bu rayon islamçıların nəzarətindədir. Yerli sakinlər onlardan qaçmaq istəyirmişlər.
Son 2 ildə İraqda azı 3 milyon yarım adam ev-eşiyindən didərgin düşüb.