Ermənistan polisi zəbt edilmiş polis binasının ətrafından nümayişin başqa yerə keçirilməsini tələb edir.
Qeyd edək ki, bir qrup silahlı iyulun 17-dən Erebunidəki polis binasını zəbt ediblər.
Həmin gündən bu yana binanın ətrafında etiraz aksiyaları keçirilir.
Polislə aksiyaçılar arasında baş verən toqquşmalarda 50-ə yaxın adam xəsarət alıb.
Polisin məlumatına görə, aksiyaçılar polis səddini yarmaq üçün yandırıcı butulkalardan (Molotov kokteli) istifadə etməyi planlaşdırırlar.
Polis binasını ələ keçirən silahlı qrup iyulun 25-də polis avtobusunu yandırıblar.
Onlar prezident Serzh Sarkisianın istefası və “Təsis parlamenti” hərəkatının lideri Jirayr Sefilyanın azad olunmasını tələb edirlər.
Yaraqlılar binanı zəbt edərkən 1 polis əməkdaşı ölüb, 3-ü isə yaralanıb.
Sonradan onlar bütün girovları azad ediblər.