-
Birinci yarımildə Vergilər Nazirliyinin xətti ilə dövlət büdcəsinə 3 milyard 190 milyon manat toplanıb.
Turan-ın xəbərinə görə, bu, 2015-ci ilin eyni dövründəkindən 156,2 milyon manat azdır.
Amma nazirliyin analitik informasiya mərkəzi bildirir ki, proqnoza 102 faiz əməl edilib.
Qeyd edək ki, bu il Vergilər Nazirliyinin xəttilə dövlət büdcəsinə 7 milyard 10 milyon manat – təxminən 2015-ci ildəki qədər vəsait köçürülməlidir. Bu məbləğin 5,4 mlrd manatını və ya 77 faizini qeyri-neft sektorundan toplamaq nəzərdə tutulur.