İyulun 3-də Bağdadda törədilən partlayışda ölənlərin sayı 292 nəfərə çatıb.
Dağıntıların altından hələ də cəsədlər çıxarılır.
Ölənlərdən 177-nin kimliyi müəyyən edilir.
Qalan 115 nəfərin cəsədləri isə artıq ailələrinə verilib.
Partlayışda həmçinin 200 nəfər xəsarət alıb.
Partlayış Ramazan bayramı vaxtı şəhərin Karadda rayonunda törədilib.
Bu rayonda əsasən şiələr yaşayır.
Hücuma görə cavabdehliyi “İslam dövləti” qrupu üzərinə götürüb.