-
İrkutskda qəzaya uğramış yanğınsöndürən təyyarədə “texnoloji sistemlər” qəzadan əvvəl “qaydasında işləyirmiş”. Bunu Rusiyanın Fövqəladə hallar naziri Vladimir Puchkov deyir.
Bu tapıntı pilotun yanğından qalxan qatı tüstüdə oriyentasiyanı itirməsi barədə şübhələri artırır.
Il-76 iyulun 1-də qəzaya düşüb. Təyyarədəki 10 nəfər heyət üzvü həlak olmuşdu.
Xilasedicilər heyət üzvlərinin cəsədlərini tapıblar. Təyyarənin qara qutusu da açılıb.
Təyyarənin qalığı Rybny Uyan yaşayış məntəqəsindən 4 kilometr cənubda aşkarlanıb.