-
İran dondurulmuş sərvətinin bərpasından ötrü Birləşmiş Ştatları Beynəlxalq Ədalət Məhkəməsinə (ICJ) verib. Haaqadakı BMT məhkəməsi iyunun 15-də deyib ki, iddia bir gün öncə verilib.
Prezident Hassan Rohani dövlət televiziyasında elan edib ki, hökumət mərkəzi bankın 2 milyard dollarlıq sərvətinin müsadirəsi və oğurlanmasından şikayət verib.
Bu məsələnin həmin məhkəmənin yurisdiksiyasında olub-olmaması bəlli deyil.
ABŞ Ali Məhkəməsinin apreldə çıxardığı qərara görə, dondurulmuş sərvət İranın günahlandırıldığı hücum qurbanlarına veriləcək. Həmin hücumlardan biri 1983-cü ildə Beyrutda ABŞ Dəniz Korpusunun bombalanmasıdır. Tehran bu hücumlarda əli olmadığını bildirir.