-
Əfqanıstanın paytaxtı Kabilin qərbində məhkəmə işçilərini daşıyan maşına hücum olub, 10 nəfər ölüb, 4 nəfər yaralanıb.
Daxili İşlər Nazirliyinin sözçüsü Najib Danish deyir ki, intiharçı partlayıcı kəmərini partladıb. Hadisə mayın 25-də səhər, gur saatlarda baş verib.
Hücuma görə məsuliyyəti, hələlik, üzərinə götürən olmayıb.
Mayın 25-də Taliban yeni lider seçib. Əvvəlki başçı Mullah Akhtar Mansur ötən həftə ABŞ-ın dron zərbəsiylə öldürülüb.