-
Azərbaycan Mərkəzi Bankı manatın mayın 23-ə rəsmi məzənnəsini açıqlayıb.
Həmin məzənnəyə görə, bir dollar mayın 23-də 1,4957 manat olacaq.
Mayın 20-də bir dollar 1,4987 manata bərabər olmuşdu.
Mayın 18-i və 19-da isə bir dollar 1,50-dən yüksək idi.
Ötən il Azərbaycanda iki devalvasiya baş verib. Nəticədə manat dollar qarşısında təqribən iki dəfə dəyər itirib. Sonuncu devalvasiyada - dekabrın 21-də bir dollar 1 manat 55 qəpiyə bərabər olmuşdu. Bu ilin əvvəlində bir ara dollar 1,62-ə qədər möhkəmlənsə də son aylar əks proses gedir. Müstəqil iqtisadçılar bunu hökumətin dollara qarşı yaratdığı süni maneələrlə izah edir. Onların fikrincə bu proses ölkə iqtisadiyyatına da ciddi ziyan vurur.Bu ilin 4 ayı ərzində Azərbaycanın xarici ticarət həcminin ötən ilin eyni dövrü ilə müqayisədə 34.30 faiz azaldığı bildirilir.