-
ABŞ-da prezidentliyə demokratlardan namizəd Hillary Clinton deyir ki, respublikaçı rəqibi Donald Trump demokratiyaya “təhlükədir” və ölkəyə rəhbərlik edə bilməz.
Clinton mayın 19-da CNN televiziyasına müsahibəsində söyləyib ki, Trump “Birləşmiş Ştatların prezidenti olmağa gərəkən keyfiyyətlərə malik deyil”.
“Donald Trump ölkəmizə, demokratiyamıza, iqtisadiyyatımıza ciddi təhlükə törədir”, keçmiş dövlət katibi bildirib.
Clinton Trump-ın xarici siyasət problemlərinin öhdəsindən gələ biləcəyini də şübhə altına alıb. Onun sözlərincə, Trump-ın müsəlmanlar barədə ziddiyyətli bəyanatları Vaşinqtonun terrorçuluqla mübarizədə Yaxın Şərq hökumətləri ilə işini çətinləşdirir.
Son vaxtlar Clinton-u tez-tez tənqid edən Trump, hələlik, bu deyilənlərə reaksiya verməyib.