Müvəqqəti Braziliya prezidenti Mişel Temer xalqa ilk müraciətində ölkəni birliyə çağırıb.
O, bildirib ki, siyasi partiyalar, ictimai təşkilatlar və bütün Braziliya xalqı yaranmış dərin böhrandan çıxmaq üçün birləşməlidir.
Keçmiş vitse-prezident və mərkəzçi demokratik hərəkatın lideri Temer dünən yeni hökumət yaradıb.
Qeyd edək ki, Braziliya senatı cümə axşamı prezident Dilma Rusefin fəaliyyətini 6 aylıq dayandırıb.
O, korrupsiyada ittiham olunur.
Əgər bu müddət ərzində ittihamlar təsdiqlənsə, o, hakimiyyətdən getməli olacaq və bundan sonra məsuliyyətə cəlb oluna bilər.