Avropa rəsmiləri Kosovo siyasətçilərini fikir ayrılıqlarını kənara qoyub birliyə qoşulmaq üçün birgə əməkdaşlığa çağırıblar.
Avropa Birliyinin xarici siyasət məsələləri üzrə rəsmisi Federica Mogherini və miqrasiya komissarı Avromopulos mayın 5-də Priştinada Kosovo liderləri ilə görüşüblər.
Onlar Priştinaya Avropa Komissiyasının Kosovoya viza rejiminin qaldırılmasını təklif etməsindən sonra tədbirə qatılmaq üçün gediblər.
Avropa Parlamenti bir neçə həftə ərzində bu təkliflə bağlı qərar verməlidir.
Qeyd edək ki, Kosovo Avropa Birliyi ilə sabitlik və asosasiya sazişi imzalayıb.