İslam Konfransı Təşkilatının İstanbulda keçirilən zirvə toplantısında yekun bəyanat qəbul edilib.
Bəyanatda Dağlıq Qarabağ münaqişəsində Azərbaycana dəstək bildirilir.
Türkiyə prezidenti Racep Tayyip Erdogan aprelin 15-də toplantıda çıxış edərkən deyib ki, Dağlıq Qarabağ münaqişəsinin həlli ilə bağlı BMT-nin 4 qətnaməsinə baxmayaraq, bu sənədlərə məhəl qoyulmur, Azərbaycan torpaqları uzun müddətdir ki, işğal altındadır.
Erdogan qeyd edib ki, münaqişənin həlliylə ABŞ, Fransa və Rusiyanın həmsədrlik etdikləri ATƏT-in Minsk qrupu məşğuldur. Amma Minsk qrupu bu problemi hələ də həll edə bilməyib və o bunu başa düşə bilmir.
Yekun sənəddə islam ölkələrinin bu gün üzləşdikləri bütün problemlərə vahid mövqe bildirilir.