-
Aprelin 2-də Rəşid Behbudov adına Dövlət Mahnı Teatrında yeni yaradılan müstəqil “M.Teatr”ın (“Mənim teatrım”) təqdimatı keçirilib. Təqdimat zamanı yeni yaradılan teatr “Məsəl ya…” adlı ilk tamaşasını da təqdim edib.
AZƏRTAC-ın xəbərinə görə, bədii rəhbəri Vidadi Həsənov teatrda gənc və istedadlı sənətçilərin toplaşdığını deyib.
M.Teatr-ın “Məsəl, ya…” tamaşası Ü.Hacıbəylinin “Ordan-burdan” kitabında yer alan müxtəlif felyetonlar əsasında hazırlanıb. Tamaşada Üzeyir Hacıbəylinin musiqisindən, Mirzə Ələkbər Sabirin şeirlərindən və Vidadi İsmayılın mahnılarından istifadə olunub.
Təqdimat mərasiminə Mədəniyyət və Turizm Nazirliyinin nümayəndələri, tanınmış teatr, incəsənət xadimləri qatılıblar.