Cenevrədə Suriyada siyasi keçidlə bağlı sülh danışıqları davam edir.
Söhbət Suriyada seçkilər keçirilməsi və münaqişənin dinc, siyasi yolla həllindən gedir.
BMT-nin Suriya üzrə xüsusi elçisi Staffan de Misturanın sözlərinə görə, cümə axşamı danışıqlarda fasilə elan ediləcək.
Mistura Suriya rejimindən yeni hökumətlə bağlı yazılı sənəd təqdim edilməsini gözləyir.
O danışıqlarda iştirak edən əsas müxalifət qrupu-Ali Komitənin siyasi keçidlə bağlı təklif verməsini alqışlayıb.
Mistura Ali Komitə ilə görüşməzdən əvvəl-martın 21-də Assad hökumətinin nümayəndələri ilə görüşüb.
Assadın hakimiyyətdə qalması ən kəskin problem olaraq qalmaqdadır.
Müxalifət hələ də onun istefasını tələb edir.