-
Bakının Nardaran qəsəbəsinin abadlaşdırılması, sosial-mədəni infrastrukturun yenilənməsi işlərinin davam etdiyi bildirilir. «Azəravtoyol» ASC qəsəbənin Abşeron küçəsinin təmirini yekunlaşmaq üzrədir.
«Trend» Cəmiyyətin mətbuat xidmətinə istinadən xəbər verir ki, qəsəbənin Nəsrulla Əsgərov küçəsində də yenilənmə işləri aparılacaq. 780 metr uzunluğundakı bu küçənin 6 metr eninə genişləndirilməsi planlaşdırılır.
Bundan başqa, səkilərin kənarına da yeni daşlar vurulacaq.
Mətbuat xidməti bildirib ki, onlarla işsiz qəsəbə sakini çalışmalara cəlb edilib.
Ötən ilin noyabrında Nardaranda baş verən silahlı qarşıdurmadan sonra qəsəbədə yenidənqurma işlərinə başlanıb. Prezident İlham Əliyev yenidənqurma işlərinə ötən ilin dekabrında 12, bu ilin fevralında isə 19 milyon manat ayrılıb.