Paris hücumlarında əsas şübhəli sayılan Salah Abdeslam Brüsseldə həbs olunub.
Polis və yerli mətbuatın məlumatına görə o martın 18-də Brüsselin Molenbek rayonunda keçirilən reyd zamanı həbs olunub.
Onun yaralandığı bildirilir.
Polis həftənin əvvəllərində Brüsseldəki mənzildə onun barmaq izlərini aşkar eləmişdi.
26 yaşlı Abdeslam Paris hücumlarından əvvəl Molenbekdə yaşayıb.
Ötən ilin noyabrında Parisdə törədilən terror aktlarında 130 nəfər ölüb.
Hücuma görə cavabdehliyi “İslam qrupu” təşkilatı üzərinə götürüb.